PrintՀՀ ԳՆ սննդամթերքի անվտանգության պետական ծառայության պետի հրամանով, Իրանի Իսլամական Հանրապետությունում և Գերմանիայի Դաշնային Հանրապետությունում արձանագրված թռչնի գրիպ հիվանդության մուտքը Հայաստանի Հանրապետություն կանխելու նպատակով՝ ժամանակավորապես արգելվել է Իրանի Իսլամական Հանրապետության Քոմ և Արևելյան Ադրբեջան օստաններից, ինչպես նաև Գերմանիայի Դաշնային Հանրապետությունից Հայաստանի Հանրապետության տարածք կենդանի թռչնի (բոլոր տեսակի), բոլոր տեսակի թռչնամթերքի, հումքի (փետուր, աղվամազ), ապրանքային և ինկուբացիոն ձվի, մսոսկրային ալյուրի, կերերի, լրացակերերի (բացառությամբ սինթետիկ և քիմիական նյութեր պարունակող լրացակերերի), պոլիմերային և ստվարաթղթե պալարային տուփերի և միջադիրների ներմուծումը՝ մինչև այդ երկրում բարձր ախտածին թռչնի գրիպ հիվանդության վերացման մասին տեղեկատվության հրապարակումը:
Արգելանքը չի տարածվում այդ երկրներից մինչև 2016 թվականի դեկտեմբերի 28-ը արտահանված (դուրս բերված) նշված ապրանքների վրա: