2012թ. հոկտեմբերի 29-ից նոյեմբերի 5-ը ընկած ժամանակահատվածում սահմանային հսկիչ կետերում Ծառայության կողմից իրականացված հսկողության արդյունքում արձանագրվել է, որ Իրանի Իսլամական Հանրապետությունից Հայաստանի Հանրապետություն ներկրված 17.280 կգ մաքուր քաշով տոմատի մածուկը, ծագման երկիրը՝ ԻԻՀ, չունի բեռն ուղեկցող փաստաթղթեր: Ագարակի սահմանային հսկիչ կետում ձևակերպվել է ՀՀ ներմուծվող բեռի տնօրինման արգելման կարգադրագիր, և Երևանի սահմանային հսկիչ կետի տեսուչի կողմից կատարվել է բեռի զննում և նմուշառում: Լաբորատոր փորձաքննության արդյունքում պարզվել է, որ փորձանմուշներում մանրէաբանական ցուցանիշները նորմատիվից բարձր են: