ՀՀ ԳՆ սննդամթերքի անվտանգության պետական ծառայությունն ուսումնասիրություններ է անցկացրել ք. Երևանի Խորենացու փողոցի թիվ 2 շուկայի հարակից մսի վաճառակետերում:
Մսի վաճառակետերի ուսումնասիրության արդյունքում հայտնաբերվել է դեռևս վաճառքի չհանված 11 խոշոր եղջերավոր կենդանու մսեղիք, որոնք եղել են առանց անասնաբուժասանիտարական անվտանգությունը հավաստող համապատասխան փաստաթղթի: Հայտնաբերված մսեղիքի վաճառքը կասեցվել, և այն տարվել է լաբորատոր փորձաքննության:
Լաբորատոր փորձաքննության արդյունքում պարզվել է, որ տվյալ մսեղիքը համապատասխանում է անասնաբուժասանիտարական նորմերին, և մսեղիքը հանվել է վաճառքի:
Տվյալ մսեղիքը մատակարարող ֆիզիկական անձինք կենթարկվեն վարչական պատասխանատվության: