ՀՀ ԿԵ սննդամթերքի անվտանգության տեսչական մարմնի ղեկավար Գեորգի Ավետիսյանի և «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի գործադիր տնօրեն Արշակ Գրիգորյանի միջև սննդամթերքի անվտանգության համակարգի զարգացման նպատակով համագործակցության հուշագիր է ստորագրվել: Հայաստանի ՓՄՁ ԶԱԿ-ի կողմից «Ճապոնիայի միջազգային համագործակցության գործակալության տեխնիկական աջակցությամբ իրականացվող «Տեղական արտադրության զարգացում և տեղական ապրանքանիշերի առաջմղում Հայաստանում փուլ-2» ծրագրի շրջանակներում կողմերը կհամագործակցեն բուսասանիտարիայի, անասնաբուժության և սննդամթերքի անվտանգության բնագավառներում: Հուշագիրն իր մեջ ներառում է նաև ՎԱՎԿԿՀ (HACCP) համակարգի ներդրմանն ուղղված աջակցություն, սննդի ոլորտում բիզնես սկսող տնտեսվարողների համար անհրաժեշտ քայլերի վերաբերյալ ձեռնարկի մշակում և տպագրություն, ինչպես նաև մասնագետների վերապատրաստում:
