ՀՀ ԳՆ սննդամթերքի անվտանգության պետական ծառայության պետ Իշխան Կարապետյանի ելույթը Սպառողների իրավունքների պաշտպանության միջազգային օրվան նվիրված ֆորումի բացմանը

Մեծարգո՛ պարոն վարչապետ
Հարգարժան՛ գործընկերներ
Սիրելի՛ սպառողներ

 

Թույլ տվեք ողջունել Սպառողների իրավունքների պաշտպանության միջազգային օրվան նվիրված միջոցառումների շաբաթը ամփոփող՝ «Սննդամթերքի անտանգությունը՝ սպառողի իրավունք» ֆորումի բոլոր մասնակիցներին: Ֆորումին նախորդող մեկ շաբաթվա ընթացքում կազմակերպվել են սննդամթերքի անվտանգության և որակի հսկողության ոլորտում սպառողների իրավունքների պաշտպանության և իրազեկվածության մակարդակի բարձրացմանն ուղղված մի շարք միջոցառումներ՝ համախմբելով այս հարթակում դպրոցականների, ուսանողների, գործարարների, լրագրողների, հասարակական կազմակերպությունների և պետական կառույցների ներկայացուցիչների:

Համագործակցության նման փորձը հնարավորություն կտա որակապես նոր փուլ տեղափոխել սպառողների իրավունքների պաշտպանության ուղղությամբ Սննդամթերքի անվտանգության պետական ծառայության կողմից իրականացվող աշխատանքները:

Այդ նպատակով վերջին շրջանում բավականին շատ գործ է արվել. մի կողմից ներդրվել են Ծառայության թեժ գծի միջոցով սպառողներից ստացվող զանգերին, հարցադրումներին արագ արձագանքելու և տեղեկատվություն տրամադրելու գործուն մեխանիզմներ, ձևավորվել է Ծառայությանը կից հասարակական խորհուրդ, մյուս կողմից՝ ակտիվ քայլեր են արվել սննդամթերքի անվտանգության ապահովման համակարգի գործունեության արդյունավետության բարձրացման և վերահսկողության շրջանակներում սննդի շղթայի բարեխիղճ օպերատորներին խորհրդատվություն տրամադրելու ուղղությամբ:

Այս ամենը հնարավորություն է ստեղծում դիտարկել Սննդամթերքի անվտանգության պետական ծառայությանը որպես այս ոլորտում սպառողների համար անվտանգության ապահովման, իսկ արտադրողների համար՝ որակի բարձրացման երաշխավոր:

Մեր նպատակն է ինչպես ապահովել սպառողների իրավունքների վերաբերյալ իրազեկվածության մակարդակի բարձրացումը և խրախուսել սպառողների պահանջատիրությունը, այնպես էլ բարենպաստ միջավայր ստեղծել սննդի շղթայի օպերատորների համար՝ սպառողի կյանքին և առողջությանը անվտանգ, միջազգային ամենաբարձր չափանիշներին համապատասխան սննդամթերք արտադրելու նպատակով:

Ամփոփելով՝ թույլ տվեք շնորհակալություն հայտնել Ձեզ, պարոն վարչապետ, միջոցառմանը մասնակցելու և սննդամթերքի անվտանգության ու որակի հսկողության ոլորտում փոփոխություններ ապահովելու ուղղությամբ Ձեր ամենօրյա ուշադրության համար:

Շնորհակալություն եմ հայտնում նաև ՕՔՍՖԱՄ-ի հայաստանյան գրասենյակին միջոցառման կազմակերպմանը աջակցելու համար:

Եւս մեկ անգամ շնորհավորում եմ բոլորիս սպառողի իրավունքների պաշտպանության միջազգային օրվա կապակցությամբ: Մենք սպառող ենք յուրաքանչյուր տարվա յուրաքանչյուր օր, և միայն ամենօրյա, հետևողական ու սրտացավ աշխատանքի շնորհիվ կարող ենք ունենալ գրագետ և պահանջատեր սպառող:

Շնորհակալություն:

[fusion_images picture_size=”fixed” autoplay=”no” columns=”5″ column_spacing=”13″ scroll_items=”” show_nav=”yes” mouse_scroll=”no” border=”yes” lightbox=”yes” class=”” id=””][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1524.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1523.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1527.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1566.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1569.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1577.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1572.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1583.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1534.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1540.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1544.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1554.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1556.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1562.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/DSC_1480.jpg” alt=””/][fusion_image link=”” linktarget=”_self” image=”http://old.snund.am/wp-content/uploads/2017/03/IMG_2729.jpg” alt=””/][/fusion_images]