Հայտնաբերվել են խախտումներ պանրի արտադրության ոլորտում

2012թ. սեպտեմբեր – հոկտեմբեր ամիսներին Ծառայություն կողմից ստուգումներ են իրականացվել պանրի արտադրությամբ զբաղվող թվով 59 տնտեսավարող սուբյեկտների մոտ:

Ստուգումների արդյունքում բոլոր արտադրող կազմակերպությունների արտադրանքից կատարվել է նմուշառում և ուղարկվել լաբորատոր փորձաքննության, որի արդյունքում թվով 18 տնտեսավարող սուբյեկտների արտադրանքը ճանաչվել է վտանգավոր մանրէաբանական (ԱՑԽՄ) ցուցանիշներով: Վտանգավոր ճանաչված պանրի խմբաքանակի իրացումը կասեցվել է, և 5.540 կգ պանիր օգտահանվել է:

Վտանգավոր արտադրանք թողարկող թվով 18 տնտեսավարող սուբյեկտների մոտ Ծառայության պետի որոշմամբ կիրառվել է արտադրական գործունեության կամ այդ գործունեության առանձին գործառույթների արգելանք: Տրվել են համապատասխան հանձնարարականներ առկա թերությունները վերացնելու համար, որոնց ավարտից հետո միայն կհանվի արգելանքը: Ներկայումս ծառայության մասնագետների կողմից հսկողություն է սահմանված տրված առաջադրանքների կատարման նկատմամբ:

Ներկայացվում է վերոնշյալ 18 տնտեսավարողների ցանկը:

Հ/Հ	Տնտեսավարող սուբյեկտի անվանումը
1.	Ա/Ձ Կամո Վահանյան
2.	«Անի-Մերի» ՍՊԸ
3.	Ա/Ձ Գարեգին Քոչինյան
4.	Ա/Ձ Սուսան Ղազարյան
5.	Ա/Ձ Արմեն Սուքիասյան
6.	Ա/Ձ Էդիկ Բոզոյան
7.	«Ամասիայի գլխավոր պանրագործարան» ՍՊԸ
8.	«Վարդանուշ» ՍՊԸ
9.	«Սեդրակ և Տիգրան» ՍՊԸ
10.	«Կալինինո կաթ» ՍՊԸ
11.	«Դումիկյան Եղբայրներ» ՍՊԸ
12.	«Մաստարաչեդո» ՍՊԸ
13.	«Իգիթ» ՍՊԸ
14.	«ԱՄՄ» ՍՊԸ
15.	«Կաթնամթերք Վան» ՍՊԸ
16.	«Կյորու» ՍՊԸ
17.	Ա/Ձ Թունյան Սամվել
18.	Ա/Ձ Բալոյան Սամվել

Թվով 54 տնտեսավարող սուբյեկտների պատասխանատու անձինք ենթարկվել են վարչական պատասխանատվության՝ 10 միլիոն 450 հազար ՀՀ դրամ ընդհանուր գումարով:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ

Հայտնաբերվել են խախտումներ պանրի արտադրության ոլորտում