ca1-2013Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության պատվիրակությունը ս.թ. օգոստոսի 26-ից սեպտեմբերի 7-ը աշխատանքային այցով գտնվում էր ԱՄՆ Կալիֆոռնիա նահանգում:

Պատվիրակությունը գլխավորում էր Ծառայության պետ Աբրամ Բախչագուլյանը:

Այցելության ընթացքում Ծառայության աշխատակիցների խումբը մասնակցեց երկշաբաթյա տեսական և պրակտիկ դասընթացների:

Ծառայության աշխատակիցները մանրամասն փորձագիտական կարծիք ստացան սննդի անվտանգության հետ առնչվող ՀՀ օրենսդրության ինչպես նաև հնարավոր օրենսդրական փոփոխությունների վերաբերյալ:

Պատվիրակության անդամներն այցելեցին Լոս Անջելեսում ՀՀ Հյուպատոսություն և հանդիպում ունեցան Լոս Անջելեսում ՀՀ գլխավոր հյուպատոս Գրիգոր Հովհաննիսյանին:

Պատվիրակությունը, «Հայաստան» համահայկական հիմնադրամի նախագահ Անդրանիկ Բաղդասարյանի հետ միասին, այցելեց նաև Սակրամենթո, որտեղ պաշտոնական հանդիպում ունեցավ նահանգի Սննդամթերքի անվտանգության ծառայության տնօրեն Անեթ Ջոնզի և, Կաթի և կաթնամթերքի անվտանգության բաժանմունքի պետ Սթիվեն Բիմի հետ: Հանդիպման ժամանակ կողմերը համաձայնվեցին մշակել երկու ծառայությունների միջև համագործակցության ծրագիր:

Այցելությունը հովանավորել էր Կալիֆոռնիայում գործող «Գարուն» կաթնամթերք արտադրող ընկերության սեփականտեր, ամերիկահայ բարերար Անդրանիկ Բաղդասարյանը:

Խմբագրված է՝ 25.09.2013թ.